काठमाडौं, २७ मंसिर । विश्वभर कोरोना भाइरसको संक्रमित संख्या सात करोड १४ लाख नाघेको छ । विश्व स्वास्थ्य संगठका अनुसार हाल सम्म सात करोड १४ लाख ३७ हजार तीन सय ३० जनामा कोरोना पुष्टि भएको छ ।

जसमध्ये १ करोड ६० लाख एक हजार आठ सय ६८ जनाले संक्रमणबाट ज्यान गुमाएका छन् । पछिल्लो तथ्यांक अनुसार अहिलेसम्म चार करोड ९६ लाख ३७ हजार दुई सय ५५ जना कोरोना संक्रमणमुक्त भएका छन् ।

हालसम्म सबैभन्दा बढी अमेरिकामा एक करोड ६२ लाख ९५ हजार चार सय ५८ जनामा संक्रमण पुष्टि भएको । त्यहाँ तीन लाख दुई हजार सात सय ५० जनाको मृत्यु भएको छ । त्यस्तै, भारतमा ९८ लाख, २७ हजार २६ संक्रमितमध्ये एक लाख ४२ हजार ६ सय ६२ जनाको मृत्यु भएको छ ।

नेपालमा कोरोना संक्रमित संख्या अहिलेसम्म २ लाख ४६ हजार ६ सय ९४ जना पुगेको छ । जसमध्ये १६ सय ७४ जनाले ज्यान गुमाएका छन ।