काठमाडौं, मतगणना जारी रहेका बेला अमेरिकी राष्ट्रपति डोनाल्ड ट्रम्पले चुनाव आफूले जितिसकेको दाबी गरेका छन् ।

बुधबार ह्वाइट हाउसमा आफ्ना सर्मथकलाई सम्बोधन गर्दै उनले आफूहरु ठूलो जितको क्रममा रहेको बताए।

चुनावको अन्तिम नतिजा नआउँदै उनले जितको घोषणा गरेका हुन् । फ्लोरिडामा भने डोनल्ड ट्रम्पले दोस्रो पटक पनि जित हासिल गरेका छन् । फ्लोरिडा ट्रम्पको गृहराज्यजस्तै बन्न पुगेको छ ।

ट्रम्पको लागि परम्परागत रूपमा रिपब्लिकनहरूको वर्चस्व रहेका स्थानबाट राम्रो नतिजा आयो भने जो बाइडनको समर्थन रहेको ठानिने हिस्पानिक मूलका मतदाताहरूबाट समेत राम्रो मत प्राप्त भएको छ ।