काठमाडौँ, कतारबाट १४७ नागरिक आज बिहान स्वदेश फर्केका छन् । कतारको दोहाबाट काठमाडौंका लागि नेपाल एयरलाइन्सको आरए २३९२ को उडानबाट उनीहरू स्वदेश फर्केका हुन् ।

आज स्वदेश फर्के ६ महिला र १४१ पुरुष छन् । यसैगरी आजको उडानमा दुईवटा शव पनि ल्याइएको कतारस्थित नेपाली दूतावासले जनाएको छ । यस्तै आजै कतार एयरवेजले दोहाबाट नेपाली लिएर नेपाल आउँदै छ । मलिन्दो एयरले मलेसियाको क्लालाम्पुरबाट नेपाली ल्याउँदै छ भने आजै यूएईबाट पनि नेपाली लिएर दुईवटा जहाज आउँदै छन् । साथै कुवेतबाट पनि आममाफी पाएका नेपाली आजै स्वदेश फर्कंदै छन् ।