लागूऔषधसहित चार जना पक्राउ

प्रकाशित मिति

२०७६ चैत्र २६ गते, बुधबार १२:५४

सप्तरी, हनुमाननगर कंकालिनी नगरपालिका– १ कोशी ब्यारेजबाट नियन्त्रित लागूऔषध नाईट्राभेट ट्याबलेट १९ पिस र डाईलेक्स सिरफ ६ बट्टा सहित कंचनरुप नगरपालिका–२ बरमझिया बस्ने २९ वर्षीय सुरज साह लगायत ४ जनालाई मंगलबार राति प्रहरीले पक्राउ गरेको छ ।

ईलाका प्रहरी कार्यालय भारदहबाट खटिएको प्रहरीले स.३ प ३०१०, को.७ प ९३२ र बा.४३ प ४६१४ नम्बरको मोटरसाइकल जाँच गर्ने क्रममा मोटरसाइकलमा सवार उनीहरुलाई उक्त परिमाणको लागूऔषध सहित फेला पारी पक्राउ गरेको हो । यस सम्बन्धमा प्रहरीले थप आवश्यक अनुसन्धान गरिरहेको जनाएको छ ।