हुण्डीमा प्रयोग भएको दुई लाखसहित एक जना पक्राउ

प्रकाशित मिति

२०७६ माघ १० गते, शुक्रबार ०९:४८

पर्सा, हुण्डीमा प्रयोग भएको २ लाख रकमसहित एक जना पक्राउ परेका छन् । वीरगंज महानगरपालिका–१६ ईनर्वा चौकस्थित सडकबाट सोहि ठाउँ बस्ने ४६ वर्षीय रामबाबु साह कलवारलाई बुधबार प्रहरीले पक्राउ गरेको हो ।

उक्त स्थानमा जिल्ला प्रहरी कार्यालय पर्साबाट खटिएको प्रहरीले रक्सौलबाट वीरगंजतर्फ जाँदै गरेको ना.६४ प.१३९४ नम्बरको मोटरसाइकलजाँच गर्ने क्रममा मोटरसाइकलमा सवार उनलाई उक्त रकम सहित फेला पारी पक्राउ गरेको हो ।

पक्राउ परेका रामबाबुमाथि आवश्यक अनुसन्धान थालिएको जिल्ला प्रहरी कार्यालय पर्साले जनाएको छ ।