त्रिशूली–३ ‘ए’ सुरुङबाट उद्धार गरिएका सञ्जय साहको स्वास्थ्य अवस्था सामान्य

प्रकाशित मिति

२०८३ भाद्र १९ गते, शुक्रबार ११:००

१९ भदौ २०८३ काठमाडौं — रसुवा बाढीको १० दिनपछि त्रिशूली–३ ‘ए’को सुरुङबाट जीवितै उद्धार गरिएका सञ्जय साहको स्वास्थ्य अवस्था सामान्य रहेको पाइएको छ।उद्धारपछि नेपाली सेनाले गरेको स्वास्थ्य परीक्षणका क्रममा साहको अवस्था सामान्य रहेको जनाएको हो।

साहसँगै उद्धार गरिएका अर्का व्यक्ति कविर महर्जनलाई भने थप उपचारका लागि हेलिकप्टरमार्फत काठमाडौंस्थित छाउनी अस्पताल ल्याइँदै छ।

नेपाली सेना र सशस्त्र प्रहरीसहितको संयुक्त उद्धार टोलीले त्रिशूली–३ ‘ए’को सुरुङबाट साह र महर्जनलाई जीवितै उद्धार गरेको हो।