३० असार २०८३ काठमाडौं – पहिरोका कारण अवरुद्ध भएको मुग्लिङ–नारायणगढ सडकखण्ड पुनः दुईतर्फी सञ्चालनमा आएको छ। सडक डिभिजन कार्यालय भरतपुरका अनुसार बिहानैदेखि हेभी मेसिन परिचालन गरी बाँकी रहेको पहिरो हटाएपछि सडकमा दुवैतर्फबाट सवारी आवागमन सुचारु गरिएको हो।

यद्यपि सडक क्षेत्रमा अझै पहिरोको जोखिम कायम रहेकाले यात्रु तथा चालकलाई लेन अनुशासन पालना गर्दै सीमित गतिमा सवारी चलाउन सडक डिभिजनले आग्रह गरेको छ।

मनसुन सक्रिय रहेकाले उक्त सडकखण्डमा यात्रा गर्ने सवारी चालकलाई मौसम र सडक अवस्थाबारे जानकारी लिएर मात्रै यात्रा गर्न पनि अनुरोध गरिएको छ।