१२ असार २०८३ काठमाडौं – राष्ट्रिय स्वतन्त्र पार्टी (रास्वपा)को प्रथम राष्ट्रिय महाधिवेशनअन्तर्गत उपसभापति पदमा स्वर्णिम वाग्ले निर्विरोध निर्वाचित भएका छन्। पुरुषतर्फ उपसभापति पदका लागि उम्मेदवारी दिएका विराजभक्त श्रेष्ठले आफ्नो उम्मेदवारी फिर्ता लिएपछि वाग्ले निर्विरोध निर्वाचित भएका हुन्। श्रेष्ठ स्वयं वाग्लेको प्रस्तावकसमेत बसेका छन्।

यद्यपि, केन्द्रीय निर्वाचन आयोगले निर्विरोध उम्मेदवारहरूको अन्तिम सूची भने सार्वजनिक गरिसकेको छैन।

रास्वपाको विधानअनुसार एक सभापति, दुई उपसभापति, एक महामन्त्री र तीन सहमहामन्त्री पदका लागि निर्वाचन हुने व्यवस्था छ। उपसभापतिमा एक पुरुष र एक महिला निर्वाचित हुने प्रावधान रहेको छ।