बजेटपछि घटेको शेयर बजारमा सुधार, नेप्से २२.२१ अंकले बढ्यो

प्रकाशित मिति

२०८३ जेष्ठ १९ गते, मंगलवार ०३:३१

१९ जेठ २०८३ काठमाडौं – आर्थिक वर्ष २०८३/०८४ को बजेटपछि लगातार दबाबमा रहेको शेयर बजारमा मंगलबार सुधार देखिएको छ। नेपाल स्टक एक्सचेञ्ज (नेप्से) परिसूचक २२.२१ अंकले बढेर २७७७.५८ बिन्दुमा पुगेको छ।

आज ३४६ कम्पनीको १ करोड १३ लाख ८३ हजार कित्ता शेयर किनबेच हुँदा ५ अर्ब २६ करोड ३८ लाख रुपैयाँ बराबरको कारोबार भएको छ। फाइनान्स समूह सर्वाधिक ६.०३ प्रतिशतले बढेको छ भने अन्य अधिकांश उपसमूहमा पनि हरियाली देखिएको छ।

विश्लेषकहरूले आजको वृद्धिलाई बजेटपछिको गिरावटपछि आएको ‘टेक्निकल रिकभरी’ का रूपमा हेरेका छन्।