२८ बैशाख २०८३ काठमाडौं- सरकारले आगामी आर्थिक वर्ष २०८३/८४ का लागि नीति तथा कार्यक्रम सार्वजनिक गरेको छ। सोमबार संघीय संसद्को संयुक्त बैठकमा राष्ट्रपति रामचन्द्र पौडेल ले सरकारको नीति तथा कार्यक्रम प्रस्तुत गर्दै पूर्णपाठ पढेर सुनाएका हुन्।

नीति तथा कार्यक्रममा आर्थिक सुधार, पूर्वाधार विकास, रोजगारी सिर्जना, शिक्षा, स्वास्थ्य, कृषि, ऊर्जा, सूचना प्रविधि तथा सुशासनलगायत विविध क्षेत्रलाई प्राथमिकतामा राखिएको छ।

सरकारले आगामी वर्ष आर्थिक गतिविधि विस्तार, लगानी प्रवर्द्धन, पूँजी बजार सुधार, सहकारी क्षेत्र व्यवस्थापन तथा सार्वजनिक सेवा प्रवाहलाई थप प्रभावकारी बनाउने लक्ष्यसहित विभिन्न कार्यक्रम अघि सारेको जनाएको छ।