२५ पुस,२०८२ काठमाडौं – गृहमन्त्री ओमप्रकाश अर्यालले वर्तमान सरकारमा रहेका मन्त्रीहरूले कुनै पनि दलतर्फ झुकाव देखाउने छुट नपाउने स्पष्ट पारेका छन्। शुक्रबार ललितपुरमा आयोजित बागमती प्रदेशस्तरीय सुरक्षा गोष्ठीमा उनले जेनजी आन्दोलनपछि बनेको सरकारको म्यान्डेट अनुसार तोकिएको मितिमा निर्वाचन सम्पन्न गर्नु र सुशासन कायम गर्नु सरकारको मुख्य प्राथमिकता भएको बताए।

कार्यक्रममा बागमती प्रदेशका मुख्यमन्त्री ईन्द्रबहादुर बाँनियाले पनि निर्वाचनको वातावरण स्वच्छ, निष्पक्ष र भयरहित राख्न सुरक्षा निकाय सचेत रहनुपर्नेमा जोड दिए। उनीहरूले निर्वाचन सफल बनाउन सम्बन्धित सबै पक्षलाई सहयोग र हौसला प्रदान गर्न आग्रह गरेका छन्।