७ पुस,२०८२ काठमाडौं— सर्वपक्षीय सरकार गठनको माग गर्दै मिराज ढुंगानासहितका युवाहरूले काठमाडौंको माइतीघर मण्डलामा प्रदर्शन गरेका छन् । प्रदर्शनका क्रममा माइतीघर मण्डलाबाट पाँच जना प्रदर्शनकारीलाई प्रहरीले नियन्त्रणमा लिएको छ । प्रहरीका अनुसार रविकिरण हमालसहित पाँच जनालाई नियन्त्रणमा लिइएको हो ।

मिराज ढुंगानाको नेतृत्वमा भएको प्रदर्शनमा सहभागी युवाहरूले सर्वपक्षीय सरकार गठन गरेपछि मात्रै निर्वाचन हुनुपर्ने माग राखेका छन् । प्रदर्शनकारीहरूले ‘जेनजीको माग चुनाव होइन, सुशासन हो’ लेखिएका प्लेकार्ड बोकेर नाराबाजी गरेका थिए ।

प्रदर्शनका कारण केही समय माइतीघर क्षेत्रमा तनावपूर्ण अवस्था सिर्जना भएको थियो भने सुरक्षाका लागि ठूलो संख्यामा प्रहरी परिचालन गरिएको थियो ।