मंसिर २९,२०८२ काठमाडौं— गृहमन्त्री ओमप्रकाश अर्यालले सरकारले आगामी फागुन २१ गते प्रतिनिधिसभा निर्वाचन तय मितिमै सम्पन्न गर्ने प्रतिबद्धता जनाएको छ। सोमबार कास्कीको पोखरामा आयोजित गण्डकी प्रदेशस्तरीय सुरक्षा गोष्ठीमा उनले निर्वाचन पूर्व, दौरान र पछि प्रदेश सरकारको सक्रिय सहभागिता रहने बताए।

गृहमन्त्री अर्यालले शान्तिपूर्ण, निष्पक्ष र भयरहित निर्वाचन सुनिश्चित गर्न आवश्यक सुरक्षा तयारी भइरहेको पनि जनाए। उनले जेनजी आन्दोलनका मागको कार्यान्वयन र सहिदका सपना पूरा गर्न सरकारले सम्झौता अनुसार काम अघि बढाएको जानकारी दिए।