कात्तिक १८, २०८२ काठमाडौं— पुष्पकमल दाहाल नेतृत्वको नेकपा (माओवादी केन्द्र) को नेतृत्वमा एकीकृत भएका १० वटा कम्युनिस्ट पार्टीहरूको राष्ट्रिय सम्मेलन बुधवार काठमाडौँमा सुरु भएको छ।

सम्मेलनको औपचारिक उद्घाटन पार्टीका शीर्ष नेताहरू दाहाल, माधवकुमार नेपालसहितका सबै घटकका नेताहरूले संयुक्त रूपमा रिमोट थिचेर गरेका छन्। सम्मेलनमा पार्टीको विधान पारित गर्ने, केन्द्रीय कमिटी चयन गर्ने र निर्वाचन आयोगमा दल दर्ताका लागि आवश्यक निर्णय लिने एजेन्डा तय गरिएको छ।

नेता वर्षमान पुनका अनुसार सम्मेलनमा शीर्ष नेताहरूले सहभागीहरूलाई सम्बोधन गर्ने कार्यक्रम रहेको छ।