श्रावण २८,२०८२ काठमाडौं – सागर डिष्टिलरी लिमिटेडले आफ्नो साधारण सेयर (आईपीओ) वैदेशिक रोजगारीमा रहेका नेपालीहरुका लागि पहिलो चरणमा निष्कासन गर्ने भएको छ।

कम्पनीले हाल कायम रहेको ७२ करोड ६० लाख रुपैयाँ जारी पुँजीको २० प्रतिशत बराबर १४ करोड ५२ लाख रुपैयाँको १४ लाख ५२ हजार कित्ता सेयर IPO मार्फत बिक्रीमा ल्याउने योजना बनाएको छ। प्रत्येक सेयरको मूल्य १०० रुपैयाँ रहनेछ।

आईपीओका लागि आवेदन भदौ १ गतेसम्म दिन सकिनेछ। यदि सो अवधिमा माग अनुसार आवेदन नपुगेको खण्डमा भदौ ११ गतेसम्म आवेदन दिन सकिने व्यवस्था गरिएको छ। वैदेशिक रोजगारीमा रहेका नेपालीहरुले न्यूनतम १० कित्तादेखि अधिकतम ७ हजार कित्तासम्म आवेदन दिन सक्नेछन्।

कम्पनीको बिक्री प्रबन्धकमा मुक्तिनाथ क्यापिटल लिमिटेड रहेको छ। आवेदन नेपाल धितोपत्र बोर्डबाट सी आश्वा सदस्य रहेका बैंक तथा वित्तीय संस्था र मेरो सेयरमार्फत गर्न सकिनेछ।