श्रावण २५,२०८२काठमाडौं– संयुक्त राज्य अमेरिकाका राष्ट्रपति डोनाल्ड ट्रम्प र रूसी राष्ट्रपति भ्लादिमिर पुटिनबीच आगामी शुक्रबार अलास्कामा भेटवार्ता हुने निश्चित भएको छ।

ट्रम्पले अगष्ट १५ मा पुटिनसँग भेट हुने जानकारी दिएका छन् भने क्रेमलिनले पनि यसलाई पुष्टि गरेको छ। दुई नेताबीचको यो भेटवार्ता रूस–युक्रेन युद्धको स्थायी समाधान खोज्ने प्रयासको रूपमा हेरिएको छ।

यसैबीच युक्रेनी राष्ट्रपति भ्लादिमिर जेलेन्स्कीले स्थायी शान्तिका लागि आफू तयार रहेको र युद्ध अन्त्यका उपायमा युक्रेनलाई अनिवार्य समावेश गर्नुपर्ने स्पष्ट पारेका छन्।