काठमाडौं, किर्गीस्तानमा सुरु भएको नादेझ्दा फुटबल कपप्रतियोगितामा नेपालद्धारा ताजिकिस्तान पराजित भएको छ । सो जितसँगै नेपाल फाइनलमा प्रवेश गरेको छ । मंगलबार भएको समूह चरणको नतिम खेलमा ताजिकिस्तानलाई १—० ले पराजित गर्दै नेपाल उपाधि नजिक पुगेको हो ।

नेपाललाई जित दिलाउन सावित्रा भण्डारीले निर्णायक गोल गरिन् । उनले खेलको ८५ मिनेटमा गोल गरेकी हुन् । त्यस्तै गिता रानाले प्रहार गरेको फ्रिकिकमा सावित्राले हेड गोल गरेकी थिइन् । प्रतियोगितामा सावित्राको यो पाँचौं गोल हो । जितसँगै नेपालले ३ खेलमा ६ अंक जोडेको छ । र, नेपाल शीर्ष दुईमा रहदै फाइनल पुगेको छ । अब नेपालले फाइनलमा उज्वेकिस्तानसँग खेल्नेछ । उज्वेकिस्तान यसअघि नै फाइनल पुगिसकेको छ ।