भदौ २०, २०८० मध्यपुर : थिमि नेपाल रेडक्रस सोसाइटी मध्यपुर थिमि उपशाखाले ६१ औं नेपाल रेडक्रस दिवस मनाएको छ।उपशाखाका सभापति बाबु काजी श्रेष्ठको सभापतित्वमा भएको कार्यक्रममा सभापति श्रेष्ठले रेडक्रसको स्थापना, रेडक्रसको महत्व, रेडक्रस सिद्धान्त र उपशाखाले गर्दै आइरहेको कार्यक्रमको बारेमा प्रकाश पार्दै प्रशिक्षनात्मक अन्तरक्रिया गरेका थिए ।

उपशाखाका संस्थापनक सभापति दुर्गा मोहन श्रेष्ठको प्रमुख आतिथ्यतामा भएको कार्यक्रममा उनले “म सेवागर्छु” वा“मनैदेखि सेवागर्छु” भन्ने भावनाले रेडक्रसमा लागेको बताउदै भक्तपुर जिल्लाकै पहिलो उपशाखाको रुपमा स्थापितगर्न सकेकोमा गर्व लागेको बताए । मध्यपुर थिमि उपशाखाले उत्कृष्ट उपशाखा पुरस्कारद्वारा सम्मानित भएको समरण गर्दै समुदायमा शव बाहन सेवा संचालनलाई निरन्तरता दिइरहेकोमा स¥हानागर्नुभयो ।

उपशाखाका उपसचिव सुशिला श्रेष्ठले स्वागत सहित संचालन गर्नु भएको कार्यक्रममा पूर्व सभापतिहरु, विद्यालयका युवा सर्कलका प्रतिनिधिहरु, आजीवन सदस्यहरु, उपसमितिका संयोजकएवं सदस्यहरु र कार्यसमितिका पदाधिकारी एवं सदस्यहरु सहभागिता रहेको थियो ।