७ श्रावण २०८०, काठमाडौँ: नेपाली कांग्रेसका केन्द्रीय समिति सदस्यसमेत रहेका स्वास्थ्य तथा जनसङ्ख्यामन्त्री मोहनबहादुर बस्नेतले अफिस टाइममा प्राइभेट अस्पताल भ्याउने डाक्टरलाई कारबाही हुने बताएका छन् । गत मङ्गलबारबाट जारी केन्द्रीय समितिको बैठकमा रिपोर्टिङ गर्दै बस्नेतले यस्तो बताएका हुन् ।

“अफिस टाइममा प्राइभेट अस्पताल तथा क्लिनिक भ्याउने चलन छ हाम्रो चिकित्सकहरूमा । त्यसलाई पूर्णरूपमा हटाउने भनेको छु । यदि त्यसो भएन भने जो डाक्टरले भ्याएको छ, उसलाई पनि कारबाही हुन्छ र जसले लगाएको छ, त्यो संस्थालाई पनि कारबाही हुन्छ,” उनले भने ।