अछाम, पञ्चदेवल विनायक नगरपालिका—६ तोलीस्थित पार्किङ गरी राखेको लु३४प५६७४ नम्बरको मोटरसाइकलमा आगजनी भएको घटनामा संलग्न रहेको अभियोगमा एक युवा पक्राउ परेका छन् । सोही ठाउँ बस्ने २५ वर्षीय बमबहादुर रावललाई बुधबार साँझ प्रहरीले पक्राउ गरेको हो ।

गत मंगलबार बिहान उक्त मोटरसाइकलमा आगजनी हुँदा पूर्णरुपमा क्षति भएको र सोही स्थानमा पार्किङ गरी राखिएको से५प८०३१ नम्बरको मोटरसाइकलसमेत जलेर क्षति भएको घटनाको अनुसन्धान गर्ने क्रममा उनी पक्राउ परेका हुन् ।ईलाका प्रहरी कार्यालय विनायकबाट खटिएको प्रहरीले उक्त कार्यमा संलग्न रहेका रावललाई पक्राउ गरेको बताएको छ ।यस सम्बन्धमा प्रहरीले थप अनुसन्धान गरिरहेको बताएको छ ।