पुष १, २०७९, काठमाडौं: सयपत्री हाईड्रोपावरले कम्पनी लिमिटेडले आफ्नो ५ औँ साधारणसभा आह्वान गरेको छ ।कम्पनीको मंशिर २८ गते बसेको सञ्चालक समिती बैठकको निर्णय अनुसार छैटौँ बार्षिक साधारणसभा पुस २३ गते सुर्य क्याटरिङ एण्ड पार्टी प्यालेस, धुम्बाराहि काठमाडौँमा बिहान ८ः३० बजेदेखि सुरु हुने छ ।

सभामा अध्यक्षको आर्थिक वर्ष २०७८/७९ को प्रतिवेदन छलफल गरि पारित गर्ने, लेखापरिक्षक प्रतिवेदन, अन्य वित्तीय विवरण र अनुसूचीहरु पारित गर्ने, आर्थिक वर्ष ७९/८० को लागि लेखापरीक्षक नियुक्त गरि निजको पारिश्रमिक तोक्ने लगायतका प्रस्ताव पेश हुने छन् ।

सभाबाट सर्वसाधारण समूहबाट सञ्चालक समितीमा प्रतिनिधित्व गर्ने नयाँ सञ्चालकहरुको चयन समेत हुनेछ । कम्पनीले गत आर्थिक बर्षको मुनाफाबाट सेयरधनीहरुलाई लाभांश घोषणा भने गरेको छैन ।कम्पनीले साधारणसभा प्रयोजनको लागि पुस ११ गतेदेखि बुक क्लोज गर्ने निर्णय गरेको छ । जस अनुसार अनुसार पुस १० गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन सक्नेछन्।

कम्पनीले गत साउन १३ गतेदेखि साउन १७ गतेसम्म सर्वसाधारणका कुल ७ लाख २१ हजार ६० कित्ता आईपीओ निष्कासन गरेको थियो । कुल कित्ताको ५ प्रतिशतले हुन आउने ३६ हजार ५३ कित्ता सेयर सामूहिक लगानी कोष र २ प्रतिशतले हुन आउने १४ हजार ४२१ कित्ता कर्मचारीका लागि सुरक्षित गरी बाँकी ६ लाख ७० हजार ५८६ कित्ता सर्वसाधारणका लागि छुट्याइएको थियो ।