२३ चैत २०७८, काठमाडौं : श्रीलङ्काका आपतकाल हटेको छ । राष्ट्रपति गोटाबाया राजपक्षेले मंगलबार अबेर राती देशव्यापी आपतकाललाई तत्कालका लागि हटाउने निर्णय गरेका हुन् । देशको गहिरिँदो आर्थिक संकटका कारण सर्वसाधारणको हिंस्रक प्रदर्शनलाई मध्यनजर गर्दै १ अप्रिलमा देशका आपतकाल लागू गरिएको थियो ।

मंगलबार अबेर राती जारी सूचनामा राष्ट्रपतिले आपतकाल नियम अध्यादेश फिर्ता लिइएको बताएका छन् । साथै, गोटाबाया राजपक्षेको सरकार अल्पमतमा आइसकेको छ । उनका सबै २६ मन्त्रीको राजीनामा पछि अब सरकारसँग विपक्षका साथै उनका पूर्व सहयोगी दलले पनि उनको राजीनामाको माग गरेका छन् ।

श्रीलङ्का यतिबेला हालसम्मको सबैभन्दा ठूलो आर्थिक संकटसँग जुधिरहेको छ । देशमा इन्धनदेखि खानपिनका सामग्रीको भारी कमी छ । देशले रेकर्ड मुद्रास्फिति र बिजुलीको कटौतीको सामना गरिरहेको छ ।

Sri Lankan President Gotabaya Rajapaksa has issued a Gazette notification revoking the proclamation issued declaring State of Emergency in Sri Lanka from midnight of April 5th: Sri Lanka Media pic.twitter.com/RScHj7kpaN

— ANI (@ANI) April 5, 2022

(एजेन्सी)