१९ फाल्गुन २०७८, काठमाडौं : सत्ता गठबन्धनको बैठक बालुवाटारमा बस्दैछ । आज बैठक केही बेरमा बस्न लागेको प्रधानमन्त्री शेरबहादुर देउवाका प्रमुख स्वकीय सचिव भानु देउवाले बताए । एमसीसी संसदबाट अनुमोदन भएसँगै सत्तारुढ गठबन्धनमा आबद्ध राष्ट्रिय जनमोर्चा बाहिरिसकेकाले अब चार दलीय गठबन्धनको बैठक बस्न लागेको हो ।

संसदबाट एमसीसी अनुमोदन भएको चार दिनपछि तथा अमेरिकाले स्वीकारेको भोलिपल्ट गठबन्धनको बैठक बस्न लागेको हो । बुधबार प्रधानमन्त्री देउवाले सत्ता साझेदार दल माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी) अध्यक्ष माधवकुमार नेपालसँग छुट्टाछुट्टै छलफल गरेका थिए ।