काठमाडौं : प्रधानमन्त्री तथा नेकपा एमालेका अध्यक्ष केपी शर्मा ओलीले पशुपति चौलागाईको निधनबाट पार्टीले असल र निष्ठावान नेतालाई गुमाउनु परेको बताएका छन् ।ओलीले बुधवार शोक वक्तव्य जारी गर्दै एमाले केन्द्रीय सदस्य तथा वागमती प्रदेशसभाका सदास्य चौलागाईको निधनप्रति दुःख व्यक्त गरेका हुन् ।

संविधानसभा सदस्य र प्रतिनिधिसभा सदस्यका रूपमा एमाले  नेता चौलागाईले समर्पित जनप्रतिनिधिको भूमिका निर्वाह गरेको बताएका छन् । कोरोना संक्रमित  नेता चौलागाईलाई स्वास्थ्यमा समस्या भएपछि मनमोहनअस्पताल लगिएको थियो । नेता चौलागाईको मंगलवार साँझ अस्पतालमा निधन भएको थियो ।