१५ भदौ २०८३ काठमाडौं — जल तथा मौसम विज्ञान विभागको मौसम पूर्वानुमान महाशाखाले आज देशभर साधारणतया बदली रहने र विभिन्न स्थानमा वर्षा हुने सम्भावना रहेको जनाएको छ।

महाशाखाका अनुसार देशका हिमाली तथा पहाडी भू-भागका धेरै स्थानमा मेघगर्जन र चट्याङसहित मध्यमसम्म वर्षा तथा हिमपातको सम्भावना छ। बागमती, गण्डकी, लुम्बिनी र सुदूरपश्चिम प्रदेशका तराई भू-भागका धेरै स्थानमा पनि मध्यम वर्षा हुन सक्ने जनाइएको छ। आज पहाडी भू-भाग तथा बागमती, गण्डकी, लुम्बिनी र सुदूरपश्चिम प्रदेशका तराईका एक-दुई स्थानमा भारी वर्षाको सम्भावना रहेको छ।

रातिको समयमा पनि देशभर साधारणतया बदली रहनेछ। कोशी प्रदेशका हिमाली, पहाडी तथा तराई भू-भाग र बागमती प्रदेशका हिमाली तथा पहाडी भू-भागका थोरै स्थानमा वर्षाको सम्भावना छ। महाशाखाले कोशी र बागमती प्रदेशका हिमाली तथा पहाडी भू-भागका एक-दुई स्थानमा धेरै भारी वर्षा हुन सक्ने चेतावनी दिएको छ। गण्डकी र लुम्बिनी प्रदेशका पहाडी भू-भागका केही स्थानमा पनि भारी वर्षाको सम्भावना रहेको छ।

मौसम विज्ञानमा २४ घण्टामा ५० देखि १०० मिलिमिटरसम्म वर्षा हुनुलाई भारी वर्षा, १०० देखि २०० मिलिमिटरसम्मलाई धेरै भारी वर्षा र २०० मिलिमिटरभन्दा बढी वर्षा हुनुलाई अति भारी वर्षा मानिन्छ।