२६  साउन २०८३ काठमाडौं – अण्डाको माग बढेपछि नेपाल लेयर्स कुखुरापालक सङ्घले आजदेखि लागू हुने गरी समर्थन मूल्य बढाएको छ। नयाँ दरअनुसार एक्सएल अण्डा प्रतिक्रेट ५६०, ठूलो ५४५, मिडियम ५०० र सानो अण्डा प्रतिपेटी ३ हजार रुपैयाँ कायम गरिएको छ।

सङ्घका अध्यक्ष विनोद पोखरेलका अनुसार बर्डफ्लुका कारण ठूलो सङ्ख्यामा कुखुरा मरेपछि उत्पादन घटेकाले मागअनुसार आपूर्ति हुन नसक्दा मूल्य बढाइएको हो। उनका अनुसार मूल्य बढे पनि किसानले लागतअनुसारको मूल्य पाएका छैनन्। अण्डाको उत्पादन लागत प्रतिगोटा १९ रुपैयाँ १२ पैसा अर्थात् प्रतिक्रेट करिब ५७३ रुपैयाँ ६० पैसा पर्ने उनले बताए।