२९ बैशाख २०८३ काठमाडौं- साताको तेस्रो कारोबार दिन मंगलबार नेपाल स्टक एक्सचेञ्ज (नेप्से) परिसूचक दोहोरो अंकले घटेको छ । अघिल्लो दिन ३८ अंकले बढेको नेप्से आज ३९.४४ अंकले घटेर २७४४.४० विन्दुमा कायम भएको हो ।

आज कुल ४ अर्ब ६६ करोड ५० लाख २० हजार रुपैयाँ बराबरको शेयर कारोबार भएको छ । बजार ओरालो लागेसँगै १३ मध्ये १२ उपसूचक राताम्मे बनेका छन् भने म्युचुअल फण्ड उपसूचक मात्रै ०.१९ प्रतिशतले बढेको छ । कारोबारमा फर्स्ट माइक्रोफाइनान्सको शेयरमूल्य सर्वाधिक १२.४० प्रतिशतले घटेको छ ।

त्यस्तै, कुमारी धनवृद्धि योजनाको ८.२९ प्रतिशत, झापा इनर्जीको ६.८९ प्रतिशत, आत्मनिर्भर लघुवित्तको ६.११ प्रतिशत तथा होटल फरेष्ट इनको ६.१० प्रतिशतले शेयरमूल्य घटेको छ ।