२३ बैशाख २०८३ काठमाडौं- हाल विदेशमा रहेका पूर्वप्रधानमन्त्री शेरबहादुर देउवा दम्पतीलाई पक्राउ गरी नेपाल ल्याउने सरकारी प्रयास असफल भएको छ । इन्टरपोलसँग समन्वयमा रहेका नेपाली प्रहरी अधिकारीका अनुसार देउवा दम्पतीलाई पक्राउ गर्न गरिएको आग्रह इन्टरपोलले अस्वीकार गरेको हो ।

आवश्यक आधार पर्याप्त नरहेको निष्कर्षसहित इन्टरपोलले सहयोग गर्न नमानेको बताइएको छ । सरकारले सम्पत्ति शुद्धीकरण मुद्दा देखाएर देउवा दम्पतीलाई इन्टरपोलमार्फत नेपाल ल्याउने तयारी गरेको थियो । यसका लागि गत चैत अन्तिममा इन्टरपोललाई पत्राचार गरिएको थियो ।

तर, पर्याप्त कानुनी आधार नदेखिएको भन्दै इन्टरपोलले अनुरोध अस्वीकार गरेपछि उक्त प्रयासमा धक्का पुगेको छ ।

देउवा दम्पतीविरुद्ध राजनीतिक प्रतिशोध साँधिएको आरोप लागिरहेका बेला इन्टरपोलको यो निर्णयलाई अर्थपूर्ण रूपमा हेरिएको छ ।