८ बैशाख २०८३ काठमाडौं – नेपाल स्टक एक्सचेञ्ज (नेप्से) परिसूचक मंगलबार १७.९१ अंकले घटेर २८०७.३१ बिन्दुमा झरेको छ। आज ३४७ कम्पनीको १ करोड ३० लाख १९ हजार कित्ता शेयर किनबेच हुँदा कुल ५ अर्ब ७७ करोड ४३ लाख रुपैयाँ बराबरको कारोबार भएको छ।

कारोबार भएका उपसूचकहरूमध्ये १२ वटा समूहमा गिरावट देखिएको छ। होटल तथा पर्यटन समूहको शेयर मूल्य भने १.१६ प्रतिशतले बढेको एकमात्र समूह रह्यो।

यसैगरी, फाइनान्स समूह १.०९ प्रतिशतले घट्दा हाइड्रोपावर समूहको शेयर मूल्य १.२३ प्रतिशतले घटेको छ। बजारमा समग्रमा दबाब देखिँदा अधिकांश समूहका सूचक राताम्य बनेका छन्।