मंसिर १६, २०८२ काठमाडौं – नेपाल प्रिमियर लिग (एनपीएल) मा चितवन राइनोजले जनकपुर बोल्ट्सलाई १७७ रनको लक्ष्य प्रस्तुत गरेको छ। टस जितेर पहिलो ब्याटिङ गरेको चितवनले निर्धारित २० ओभरमा ४ विकेटको क्षतिमा १७७ रन जोड्यो।

चितवनका लागि डेभिड मलानले शानदार ८० रनको पारी खेले भने अर्जुन साउदले ५२ रनको योगदान दिए। कप्तान कुशल मल्ल ३० रनमा अविजित रहे। सैफ जैबले ७ रन र रवि बोपाराले ३ रन जोडे।

बलिङतर्फ जनकपुरका माज सदाकत, अनिल शाह, रुपेश सिंह र जान निकोलले एक–एक विकेट लिइ सके।

अब जनकपुर बोल्ट्सले जीतका लागि १७७ रनको चुनौती पछ्याउँदैछ।