भदौ १९,२०८२ काठमाडौं – नेपाल स्टक एक्सचेञ्ज (नेप्से) आज पनि सामान्य गिरावटसहित राताम्य बनेको छ। पछिल्ला दिनदेखि सुस्त बनेको पूँजी बजारले लगानीकर्ताको मनोबल थप कमजोर पारेको हो। बैंक तथा वित्तीय संस्थाहरूले लाभांश वितरणको सिजन चलाइरहेका भए पनि बजारले त्यसअनुसार गति लिन सकेको छैन।

आज नेप्से परिसूचक ०.८६ अंकले घटेर २७२५.४६ बिन्दुमा कायम भएको छ। ३१७ कम्पनीको १ करोड २७ लाख १ हजार कित्ता सेयर किनबेच हुँदा ५ अर्ब १४ करोड ४३ लाख २२ हजार रुपैयाँ बराबरको कारोबार भएको छ।

उपसमूहहरूमा पनि नकारात्मक प्रभाव देखिएको छ। वाणिज्य बैंक समूह ०.१५ प्रतिशत, विकास बैंक ०.३० प्रतिशत, फाइनान्स ०.३२ प्रतिशत र होटल तथा पर्यटन समूह ०.८४ प्रतिशतले घटेका छन्।

आज ८५ कम्पनीको सेयर मूल्य बढ्दा १६५ कम्पनीको मूल्य घटेको छ।