भदौ १९,२०८२ काठमाडौं – सञ्चार तथा सूचना प्रविधि मन्त्रालयले फेसबुक, ट्वीटर (एक्स), युट्युबसहित २६ वटा सामाजिक सञ्जाल बन्द गर्ने निर्णय गरेको छ। बिहीबार मन्त्रालयको बैठकले मन्त्रिपरिषद्को निर्णय र सर्वोच्च अदालतको परमादेश कार्यान्वयन गर्ने उद्देश्यले यस्तो कदम चाल्ने निर्णय गरेको हो।

सरकारले आजदेखि नै सामाजिक सञ्जाल बन्द गर्नका लागि दूरसञ्चार प्राधिकरणलाई पत्राचार गरेको छ। बैठकमा सर्वोच्च अदालतको परमादेश र यसअघि मन्त्रिपरिषद्को निर्णयको पूर्ण रूपमा पालनाका लागि फेसबुकलगायत २६ वटा सामाजिक सञ्जाल बन्द गर्ने योजना तय गरिएको बताइएको छ।