असार  २९,२०८२ काठमाडौं । नेपाल राष्ट्र बैंकले सार्वजनिक गरेको मौद्रिक नीतिपछि पहिलो कारोबार दिन नेप्से परिसूचकमा उल्लेखनीय सुधार देखिएको छ। आइतबार नेप्से ३१.०८ अंकले बढेर २७६२.८८ विन्दुमा पुगेको हो।

नेपाल स्टक एक्सचेन्जका अनुसार आजको कारोबारमा विभिन्न ३११ कम्पनीका ३ करोड २५ लाख ९२ हजार ३० कित्ता शेयरहरू किनबेच भएका छन्। कुल १ लाख ५ हजार ४१५ पटकको कारोबारमार्फत ११ अर्ब ४१ करोड ६४ लाख २८ हजार ४६६ रुपैयाँको कारोबार भएको छ।

मौद्रिक नीतिले पुँजी बजारमैत्री संकेत दिएको विश्लेषण गर्दै लगानीकर्ताहरूले सकारात्मक प्रतिक्रिया जनाएका छन्। यसले आगामी दिनमा पनि बजारमा स्थिरता र सुधारको अपेक्षा गरिएको छ।