काठमाडौं । रोयल च्यालेन्जर्स बेङलुरु (आरसीबी) ले इण्डियन प्रिमियर लिग (आईपीएल) २०२५ को उपाधि जित्दै आफ्नो १८ वर्षको लिग इतिहासमा पहिलो पटक उपाधि जिते ।

अहमदावादस्थित नरेन्द्र मोदी क्रिकेट स्टेडियममा सम्पन्न फाइनल खेलमा आरसीबीले पञ्जाब किङ्सलाई ६ रनले पराजित गर्दै ऐतिहासिक जित हात पारेको हो।

१९१ रनको विजयी लक्ष्य पछ्याएको पञ्जाबले निर्धारित २० ओभरमा ७ विकेट गुमाएर १८४ रन मात्र बनाउन सक्यो ।

त्यसअघि पञ्जाबले टस जितेर बलिङ रोजेको थियो । पहिले ब्याटिङ गरेको आरसीबीले निर्धारित २० ओभरमा ९ विकेट गुमाएर १९० रन बनाएको थियो ।