गण्डकी प्रदेशकी कांग्रेस सांसद विमला गौचनको निधन

प्रकाशित मिति

२०८१ कार्तिक २९ गते, बिहीबार १२:१३

कार्तिक २९ , २०८१ काठमाडौँ: गण्डकी प्रदेश सभा सदस्य विमला गौचनको निधन भएको छ ।

डेंगुका कारण उपचार पश्चात् काठमाडौं घरमै आराम गरिरहेकी गौचनलाई बुधबार राति १० बजेतिर हृदय घात भएपछि अस्पताल लगिएको थियो ।

काठमाडौंको ग्रान्डी अस्पतालमा उपचारका क्रममा साढे ११ बजेतिर उनको निधन भएको हो । नेपाली कांग्रेसका तर्फबाट गण्डकी प्रदेश सभामा समानुपातिक सांसद रहेकी गौन म्याग्दीकी हुन् ।

छोराहरू विदेश रहेकाले उनीहरू आएपछि म्याग्दी नै ल्याएर गौचनको अन्त्येष्टि गरिने पारिवारिक स्रोतले जनाएको छ ।