• ०६:२७ २०८१ बैशाख ७ गते
  • 6:27 am

आज २४ मिनेटसम्म किन खुलेन नेप्से ? कारण यस्तो छ

प्रकाशित मिति

२०८० मंसिर १३ गते, बुधबार ०३:३७

nepalstock

मंसिर १३, २०८० काठमाडौँ: नियमित रुपमा ११ बजे खुल्ने सेयर बजार आज ११ बजेर २४ मिनेट जाँदा मात्र खुल्यो । सामाजिक सञ्जालमा लगानीकर्ताबीच यस विषयमा केहीबेर जुहारी पनि चल्यो । कतिपयले त नेप्सेको लापरवाहीले गर्दा अर्काे स्टक एक्सचेन्ज आवश्यक परेको पनि भन्न भ्याए ।

तर, नेप्सेको सिस्टम बिग्रिएको भने हैन । सानो कमजोरीले गर्दा आज सेयर बजार खुल्न करिब आधा घण्टा लागेको थियो । नेपाल स्टक एक्सचेन्ज (नेप्से)का एक अधिकारीका अनुसार डाटा सेन्टरमा जाने पावर अफ हुँदा आजको समस्या आएको हो ।

“हिजो बाहिरका काम गर्नेहरूले पावर अफ गरिदिएछन् । त्यो कुरा हामीले बिहान १० बजेमात्र थाहा पायौँ,” उनले भने, “हिजोका डाटाको काम गर्न समय लागेकाले टीएमएस खुल्न समय लागेको हो ।”

नेप्सेको टहरो हटाउने काम अहिले धमाधम भइरहेको छ । त्यही टहरो भत्काउने क्रममा कामदारहरूले पावर अफ गरिदिएको स्रोतको भनाइ छ ।

प्रतिकृया