असोज २६, २०८० काठमाडौँ: सिटिजन्स बैंक इन्टरनेसनल लिमिटेडको १७औं वार्षिक साधारण सभासम्पन्न भएको छ । सभा शुक्रवार अमृतभोग, कालिकास्थान काठमाडौंमा सम्पन्न भएको हो ।

उक्त सभाले गत आर्थिक वर्ष २०७९/८० को मुनाफाबाट ५ दशमलव ७९ प्रतिशतका दरले हुन आउने ८२ करोड २१ लाख ६१ हजार ६५२.९६ रुपैयाँ बराबरको नगद लाभांश (लाभांश करसमेत) दिने प्रस्ताव पारित गरेको छ ।

सभाले आव २०७९/८० को सञ्चालक समितिको वार्षिक प्रतिवेदन छलफल गरि पारित गर्नुको साथै लेखापरीक्षकको प्रतिवेदनसहित २०८० आषाढ मसान्तको एनएफआरएस बमोजिम तयार गरिएको वासलात, आव २०७९/८० को नाफा नोक्सानको हिसाव तथा नगद प्रवाह विवरण लगायतका एकीकृत वित्तीय विवरणहरु स्वीकृत गरेको हो ।