भदौ ५, २०८० काठमाडौँ: प्रधानमन्त्री पुष्पकमल दाहाल ‘प्रचण्ड’ले एमाले अध्यक्ष केपी शर्मा ओली स्वास्थ्यका कारण उपस्थित नभएकाले मंगलबार तय भएको शीर्ष नेताको बैठक बस्न नसकेको बताएका छन् । सिंहदरबारबाट बाहिरिने क्रममा संक्षिप्त प्रतिक्रिया दिँदै प्रधानमन्त्री प्रचण्डले सहमति जुट्न नसकेको भन्ने भनाइ सत्य नभएको बताए ।

‘सहमति नभएको भन्दा पनि आजपनि केपीजीको स्वास्थ्य स्थिति राम्रो भएन भनेर उहाँ आउनुभएन । त्यसकारण बैठक भोलिलाई सर्‍यो’, प्रचण्डको भनाइ छ ।

तस्करीको सुन छानबिन गर्न एमालेको माग अनुसार उच्चस्तरीय आयोग गठनका लागि कार्यदलले तयार पारेको कार्ययोजनामा शीर्ष नेताले हस्ताक्षर गर्न बैठक बोलाइएको थियो । तर समयअभावका कारण बैठकका लागि नेताहरु सिंहदरबार पुगेपनि एजेण्डामै प्रवेश नगरी बैठक स्थगित हुन पुगेको थियो ।