२२ असार २०८०, काठमाडौँ: काठमाडौँ महानगरपालिकाले कक्षा ११ मा भर्ना हुन आउने विद्यार्थीका लागि कम्तीमा १५ दिनसम्म आवेदन दिन पाउने गरी समय व्यवस्था गर्न शैक्षिक संस्थाहरूलाई निर्देशन दिएको छ ।

महानगरको शिक्षा विभागले आज आइतबार एक सूचना प्रकाशन एसईईको नतिजा आएको मितिले कम्तीमा १५ दिन म्याद राखेर आवेदन दिन पाउने व्यवस्था गर्न निर्देशन दिएको हो ।

विगतमा शिक्षण संस्थाहरूले फरक-फरक भर्ना तालिका तय गरेर छोटो अवधिको सूचना प्रकाशन गरेका कारण देशका विभिन्न क्षेत्रबाट काठमाडौँ आउने विद्यार्थी आवेदन दिनबाट बञ्चित भएको महानगरपालिकाले जनाएको छ ।