• 3:22 am

हेटौँडामा बस दुर्घटना हुँदा ३७ जना घाइते

प्रकाशित मिति

२०८० असार १५ गते, शुक्रबार ०३:०५

१५ असार २०८०, काठमाडौँ: मकवानपुरको हेटौँडामा बस दुर्घटना भएको छ । पूर्व-पश्चिम राजमार्ग अन्तर्गत हेटौंडा ११ मा शुक्रबार दिउँसो अनियन्त्रित भएर बस पल्टिँदा ३७ जना घाइते भएका छन् ।


नारायणगढबाट जनकपुरतर्फ जाँदै गरेको ना ६ ख ९८०४ नम्बरको बस सडकबाट करिब एकसय मिटर तल खसेको हो । घाइते मध्ये १० जनाको हेटौंडा–११ मा रहेको चुरेहिल अस्पतालमा र २७ जनाको हेटौंडा अस्पतालमा उपचार भइरहेको प्रहरीले जनाएको छ ।


बस आफैं अनियन्त्रित भएर सडबाट तल खसेको बताइएको छ । सोही स्थानमा सडक निर्माणको काम भैरहेकोले चालक झुक्किएको हुनसक्ने अनुमान गरेको जिल्ला प्रहरी कार्यालय मकवानपुरका प्रमुख प्रहरी उपरीक्षक बामदेव गौतमले जानकारी दिए ।


दुर्घटनाका विषयमा थप अनुसन्धान भैरहेको बताउँदै उनले चालक सम्पर्कमा नआएको बताए ।

प्रतिकृया