२८ चैत्र २०७९, काठमाडौँ: अरुलाई अन्याय पर्दा न्याय दिने न्यायाधीशको कर्तव्य हुन्छ । तर न्यायाधीश भुवन गिरी वैवाहिक बलात्कार आरोपमा पक्राउ परेका छन् । न्याय परिषदका न्यायधिश गिरीलाई आफ्नै श्रीमतीले दिएको वैवाहिक बलात्कार आरोपको उजुरीका आधारमा प्रहरीले मंगलबार सामाखुसीबाट पक्राउ गरेको हो ।

न्यायाधीश गिरीविरुद्ध उनकी पत्नी आरती गिरी रावलले वैवाहिक बलात्कारको आरोप लगाउँदै जाहेरी दिएकी थिइन् । कपिलवस्तु जिल्ला अदालतले गिरीलाई पक्राउ गर्न यसअघि नै प्रहरीलाई अनुमति दिएको थियो ।

एक महिनाअगाडि मात्रै न्यायपरिषदमा सरुवा भएका गिरीले सोमबार मात्रै श्रीमती पार्वतीलाई बोलाएर आफैंसँग राखेका थिए । तर, पार्वतीले आफूलाई बन्धक बनाएर यातना दिएको भन्दै साथीलाई फोन गरेपछि आज उनको उद्धारसँगै गिरी पनि पक्राउ परेको प्रहरी स्रोतको भनाइ छ।