११ माघ २०७९, काठमाडौँ: नयाँ बानेश्वरको संघीय संसद् भवन अगाडि आत्मदाहकाे प्रयास गरेका प्रेमप्रसाद आचार्यकाे २५ बुँदे माग पूरा गर्न माग गर्दै माइतीघरमा युवाहरूले प्रद्धर्शन गरेका छन्। मंगलबार आफूमाथि पेट्राेल छर्किएर आगाे लगाई आत्मदाहकाे प्रयास गरेका इलामका ३७ वर्षीया आचार्यकाे बुधबार बिहान मृत्यु भएपछि उनका माग सम्बाेधन हुनुपर्ने माग राख्दै युवाहरूले सरकारविरुद्ध प्रद्धर्शन गरेका हुन्।

विभिन्न व्यवसाय गर्नखाेज्दा राज्य व्यवस्था र नीति नियम बाधक बनी आफूले काम गर्न नसकेकाे र आफूले काम गरेकाे ठाउँबाट पनि पाउनुपर्ने रकम नपाएका कारण ठूलाे आर्थिक क्षति व्यहाेर्नुपरेकाे भन्दै सामाजिक सञ्जालमा लामाे ‘सुसाइट नाेट’ लेखी आत्मदाह गरेका ती युवालाई न्याय मिल्नुपर्ने माग गर्दै युवाहरूले प्रद्धर्शन गरेका हुन्।