१३ मंसिर २०७९, काठमाडौं : नेपाल एसबीआई बैंकले गत आर्थिक वर्षको नाफाबाट आफ्ना लगानीकर्तालाई लाभांश घोषणा गरेको छ । कम्पनीको सञ्चालक समितिको बैठकले आफ्ना लगानीकर्तालाई हाल कायम चुक्ता पुँजीको १०.५३ प्रतिशतले लाभांश घोषणा गरेको हो । यसमध्ये कम्पनीले ३ प्रतिशत बोनस सेयरका रूपमा लगानीकर्तालाई वितरण गर्ने छ । यस्तै, ७.५३ प्रतिशत नगद लाभांश (करसहित) वितरण गर्ने सञ्चालक समितिको बैठकले निर्णय गरेको छ ।

कम्पनीको सञ्चालक समितिको बैठकले गरेको निर्णय आगामी वार्षिक साधारण सभा र नेपाल राष्ट्र बैंकबाट स्वीकृत भएपछि वितरण हुने छ । बैंकले गत आर्थिक वर्ष आफ्ना लगानीकर्तालाई ३.५० प्रतिशत बोनस सेयर र १.८१ प्रतिशत नगद लाभांश (कर प्रयोजनका लागि) दिएको थियो । गत वर्षको तुलनामा यस वर्ष कम्पनीको लाभांश बढेको छ ।