१२ असार २०७९, काठमाडौं : संकृति पर्यटन तथा नागरिक उड्ययनमन्त्री प्रेमबहादुर आलेले आफूले आफैंलाई ९० नम्बर दिएका छन् । आइतबार पत्रकार सम्मेलन गरेका आलेले आफू ९० प्रतिशत सफल भएको दाबी गरेका छन् । कार्यकाल कति सफल भयो भनेर कसैले सोधे आफ्नो उत्तर ९० प्रतिशत हुने उनले बताए ।

आफूले एक्सन मन्त्रीको उपमा समेत पाएको भन्दै उनले भनेका छन्, मैले यो अवधिमा ९० प्रतिशत अंक ल्याएको ठानेको छु ।’ उनले भने काम गर्दै जादा २ सय ६३ दिन बितेको पत्तै भएन । एकीकृत समाजवादीले आलेसहित चार मन्त्रीलाई फिर्ता बोलाएको छ भने नयाँ टिम पठाएको छ ।