३ कार्तिक, २०७८ काठमाडौँ : आज बुधबार नेपालको स्थानीय बजारमा सुनको मूल्य प्रतितोला १ सय रुपैयाँले बढेको छ । नेपाल सुनचाँदी व्यवसायी महासंघले आज सुन र चाँदीकै मूल्य बढेको जानकारी दिएको हो । जसअनुसार आज छापावाल सुनको मूल्य प्रतितोला ९१ हजार ४ सय रुपैयाँ र तेजाबी सुनको मूल्य प्रतितोला ९० हजार ९ सय रुपैयाँ कायम छ ।

महासंघले हिजो मंगलबार सुनचाँदी व्यवसायी रमेश महर्जनको सम्झनामा सुनको मूल्य तोकेको थिएन । सोमबार भने छापावाल सुनको मूल्य प्रतितोला ९१ हजार ३ सय र तेजाबी सुनको मूल्य प्रतितोला ९० हजार ८ सय रुपैयाँ तोकिएको थियो । यसैगरी, आज १० रुपैयाँले बढेको चाँदीको मूल्य प्रतितोला १२ सय ३५ रुपैयाँ छ ।