काठमाडौं :  काठमाडौंका अस्पतालहरुले अक्सिजन अभावलाई कारण देखाउँदै नयाँ बिरामी भर्ना गर्न नसकिने सूचना धमाधम जारी गर्न थालेका छन् । यसरी सूचना जारी गर्नेमा ललितपुरको महालक्ष्मीस्थानमा अवस्थित गणेशमान सिंह मेमोरियल अस्पताल पनि थपिएको छ ।

गणेशमान सिंह मेमोरियल अस्पतालले अक्सिजन आपूर्तिमा आएको असामान्य परिस्थितिले गर्दा मौजदात केही समयभन्दा बढी नरहेकाले कुनै पनि ठूलो दुर्घटना हुन सक्ने परिस्थितिलाई मध्यनजर गर्दै नयाँ बिरामी भर्ना गर्न नसकिने जनाएको छ ।  भएका बिरामीलाई पनि अन्य अस्पतालमा सार्ने प्रयास भइरहेको सो अस्पतालले जनाएको छ । सो अस्पतालले अक्सिजन आपूर्तिको पहलका लागि सम्पूर्ण सरोकारवालाई अनुरोध समेत गरेको छ ।