नेपालगञ्ज: भारतको मुम्बईबाट आएका दैलेखका ३४ वर्षीय पुरुषलाई कोरोना पुष्टि भएको छ। भारतबाट फर्किएका नेपालीलाई जाँच गर्न नेपालगञ्जमा नाकामा राखिएको हेल्थ डेस्कमा जाँच गर्दा ३४ वर्षीय पुरुषमा कोरोना पुष्टि भएको हो।

नेपालगञ्ज उपमहानगरपालिकाका स्वास्थ्य शाखाका प्रमुख रामबहादुर चन्दले हेल्थ डेस्क राखेपछि तीन जनालाई कोरोना देखिएको जानकारी दिए।उनका अनुसार बर्दिया र रोल्पाका व्यक्तिलाई यसअघि नै कोरोना देखापरिसकेको छ।नेपालगञ्ज नाकामा भारतबाट फर्किएका व्यक्तिलाई थर्मल गनले जाँच गर्ने र ज्वरो देखिएमा एन्टीजेन जाँच गर्ने गरिएको छ।

भारतको मुम्बई, दिल्ली, गुजरात लगायतका सहरमा कोरोना दोस्रो लहर देखापरेको छ। ती ठाउँबाट आएका व्यक्तिलाई विशेष निगरानी गर्ने गरिएको छ।

यतिबेला नेपालगञ्ज नाकाबाट दैनिक पाँच सय बढी मानिस भारतबाट फर्किरहेका छन्।