काठमाडौँ: प्रधानमन्त्री एवं नेकपा एमालेका अध्यक्ष केपी शर्मा ‌ओलीले चैत ७ गते केन्द्रीय कमिटीको बैठक बोलाएको र बैठकमा उपस्थित हुन माधव नेपाल पक्षलाई आह्वान गरेका छन्। शनिबार राजधानीमा आयोजित अखिल नेपाल महिला संघको राष्ट्रिय कार्यकर्ता भेलामा सम्बोधन गर्दै प्रधानमन्त्री ओलीले यस्तो बताएका हुन्।

उनले भने, ‘प्रशस्त समय होस् भनेर चैत ७ गते बैठक बोलाएको छु। यत्रो विघ्न टेलिभिजनमा खिच्या छ। लाईभ दिइराख्या होला। सनिनँ भन्ने पाइने छैन। २०७७ साल चैत ७ गते केन्द्रीय कमिटीको बैठक बालुबाटारमा बोलाएको छु। केन्द्रीय कमिटीका सदस्यहरु आउनुहोला। अनुपस्थित हुँदै जानुभो भने विधानको व्यवस्थाअनुसार हुँदै जानेछ।’