गोरखा । गोरखामा नेपाली सेनाको गाडीलाई टिप्परले ठक्कर दिँदा पाँच सैनिक घाइते भएका छन्।

मझुवा चेकप्वाइन्टबाट फर्कंदै गरेको बा १ झ ५८०० नम्बरको सेनाको भ्यानलाई विपरीत दिशाबाट गएको लु १ क ३८४६ नम्बरको टिपरले बुधबार अपराह्न ठक्कर दिँदा सेनाका पाँच जना घाइते भएका हुन् ।

गोरखा नगरपालिका ११ को १५ किलो घुम्तीमा भ्यानलाई टिप्परले ठक्कर दिएको प्रहरीले जनाएको छ।

उनीहरुमध्ये रञ्जित रानालाई बढी चोट लागेको रणसिँह दल गणका गणपति उज्वल केशीले जानकारी दिएका छन् ।

घाइते सबैलाई गोरखा अस्पताल ल्याइएको जिल्ला ट्राफिक प्रहरी प्रमुख मित्रलाल ढकालले बताएका छन् । सथै टिप्परका चालकलाई नियन्त्रणमा लिइएको केशीले बताका छन् ।