दोस्रो व्यक्ति कोभिड–१९ संक्रमणमुक्त भएपछि प्रधानमन्त्रीले दिए चिकित्सकलाई धन्यवाद

प्रकाशित मिति

२०७७ बैशाख ६ गते, शनिबार ०४:०५

काठमाडौं, कोरोना संक्रमणबाट उपचाररत किशोरी डिस्चार्ज भएलगत्तै प्रधानमन्त्री केपी शर्मा ओलीले चिकित्सक तथा स्वास्थ्यकर्मीलाई बधाई तथा धन्यवाद दिनुभएको छ । फ्रान्सबाट फर्किएकी किशोरीमा कोभिड–१९ नेगेटिभ देखिएपछि आज डिस्चार्ज गरिएको हो।

‘कोरोना भाइरसबाट संक्रमित दोस्रो विरामी आज पूर्ण स्वस्थ भई अस्पतालबाट डिस्चार्ज हुनुभएको छ, ’ प्रधानमन्त्रीले ट्विटमा लेख्नु भएको छ, ‘उहाँको आरोग्यताको कामना सहित उपचारमा संलग्न चिकित्सक, स्वास्थ्यकर्मीहरू तथा संबद्ध सबैलाई बधाई तथा धन्यवाद। ’